Шпанската метеоролошка агенција (AEMET) издаде жолти и портокалови предупредувања за регионите Валенсија и Кастелон, кои се меѓу најтешко погодените од неодамнешните обилни врнежи.
Иако се очекува дека дождот нема да биде толку интензивен како оној што предизвика проблеми на почетокот на неделата, состојбата останува сериозна за локалното население. Оваа катастрофа е една од најтешките што ја погодила Шпанија во последните неколку децении.
Властите предупредуваат дека вонредната состојба сè уште не е надмината. Досега, најмалку 158 лица ги загубиле своите животи во невремето, додека спасувачките екипи продолжуваат со потрагата по исчезнати под урнатините.
