Зеленски остана со празни раце: Трамп нема да го испрати „моќното оружје“ кое го ветуваше!?

Американскиот претседател Доналд Трамп денеска во Белата куќа ќе го прими украинскиот претседател Володимир Зеленски, во момент кога се зголемуваат сомнежите дека Вашингтон сè уште не е подготвен да ѝ ја продаде на Украина ракетната технологија „Томахавк“, за која Киев интензивно се залага, пишува Вашингтон пост.

Средбата меѓу двајцата лидери се одржува еден ден по двочасовниот телефонски разговор што Трамп го имаше со рускиот претседател Владимир Путин, во кој главна тема беше војната во Украина.

Во изминатите денови Трамп покажуваше подготвеност да дозволи продажба на крстосувачки ракети „Томахавк“ на Украина, и покрај предупредувањата од Москва дека таквиот потег би можел дополнително да ги влоши односите меѓу двете нуклеарни сили.

Сепак, по разговорот со Путин, американскиот претседател го ублажи тонот и ја намали веројатноста дека Украина наскоро ќе го добие тоа оружје, чиј домет изнесува околу 1.600 километри.

„И на Соединетите Држави им се потребни ‘Томахавк’. Имаме многу, но ни требаат и нам. Не можеме да ја исцрпиме сопствената земја,“ изјави Трамп.