На 13 октомври се навршија 22 години од смртта на Ѓорѓи Колозов, познатиот македонски актер кој го освои срцето на публиката со својата изведба во македонските народни приказни.
Колозов дипломирал на Академијата за драмска уметност при Универзитетот „Свети Кирил и Методиј“ во Скопје во 1973 година, а веднаш по дипломирањето се приклучил кон Македонскиот народен театар, каде оставил неизбришлив белег со своите сценски улоги.
Најголема популарност стекнал со телевизиската серија „Македонски народни приказни“, инспирирана од збирки на народни приказни од XIX век, собирани од Марко Цепенков, Кузман Шапкарев, Ѓорѓија Пулевски и други. Овие приказни се од огромно значење за македонската фолклористика, етнографијата, лингвистиката, националната историја и моралот на Македонците.
На сцената на Македонскиот народен театар Колозов се истакнал во претстави како „Од многу ум“, „Андрокле и лавот“, „Госпоѓа министерка“, „Чорбаџи Теодос“, „Женидба“, „Воена тајна“, „Мрестење на краповите“, „Слободни врски“, „Валпургиска ноќ“, „Рекламна бајка“ и други. Настапил и во повеќе филмови, меѓу кои „Македонскиот дел од пеколот“ и „Тетовирање“.
Една фигура која со својот талент и посветеност остави вечен белег во македонската култура и драмска уметност.
