Фото: Принтскрин
Во саботата во селото Мртвица, Србија беше запален манастирот Успение на Пресвета Богородица, објавија српските власти.
Полицијата приведе лице идентификувано како Б.Д. (роден 1985) од Владичин Хан, кое е познато на органите на редот. Според првичните информации и сведочења, тој со бензин и хепо коцки подметнал пожар во самата црква, при што биле запалени иконостасот и свети книги.
При интервенцијата, осомничениот дал отпор на полициските службеници, по што му било одредено задржување поради кривично дело предизвикување на општа опасност.
Локалната заедница и верниците се повикуваат на единство и молитва за светињата и за мир во срцата на луѓето. Од Црквата истакнуваат дека, иако физички може да се запали храмот, духовниот пламен на верата не може да се изгаси.
