Фото: Принтскрин
Министерот за здравство Азир Алиу изјави дека, според негово лично убедување, треба да се воведе законска обврска за редовно спроведување токсиколошки тестови кај сите здравствени работници. Оваа негова изјава следува по објавувањето на скандалозната видео-снимка на која поранешниот директор на Клиниката за неврологија, Игор Кузмановски, се гледа како подготвува бела прашкаста материја и притоа тврди дека користи „само чисто бело“.
Алиу нагласи дека ваквата мерка би придонела кон зајакнување на довербата во здравствениот систем и би гарантирала дека сите лекари и медицински лица ја извршуваат својата професија одговорно и без влијание на психоактивни супстанции.
„Правно не знам дали тоа може да се дефинира. Јас би сакал, како министер за здравство, да има таков член во законот, но да ви кажам во кој закон и дали тоа може да се формулира, не би сакал кога не сум сигурен“, вели министерот.
