Во раните утрински часови, околу 03:00 часот, во Скопје, на подрачјето на Бутел, полициски службеници од Единицата за интервентна полиција при СВР Скопје го уапсиле 18-годишниот Е.А. од Скопје.
Според информациите, тој заедно со уште едно лице со тврд предмет го искршил излогот на деловен објект, по што влегле внатре и украле сеф. Потоа, двајцата заминале од местото на настанот со мотоцикл.
Откако била примена пријавата, полицијата брзо реагирала и ги идентификувала двете лица додека се движеле со мотоциклот. Во обидот да ги запрат, едно од лицата го фрлило сефот кон полициското возило.
Полициските служби информираа дека преземаат дополнителни мерки за пронаоѓање на второто лице, а по целосното документирање на случајот, ќе следи соодветна пријава.
