Фото: Принтскрин
Министерството за внатрешни работи соопшти дека се утврдени идентитетите на лицата кои вчера оставија сомнителен куфер на плоштадот „ВМРО“ во Скопје, непосредно пред седиштето на ВМРО-ДПМНЕ.
Станува збор за швајцарски државјани – маж на 37-годишна возраст по име Рафаел С. и жена стара 39 години, идентификувана како Вивиан С.Х. Двајцата допатувале во Македонија на 1 октомври со авион од Цирих.
Според информациите од полицијата, безбедносните камери снимија како странците го разгледуваат просторот, по што еден од нив го оставил куферот пред објектот.
