Фото: Принтскрин
Во Битола синоќа се случи тешка сообраќајна несреќа во која животно е усмртено, а човек се наоѓа во критична состојба. Четириесет и петгодишен битолчанец и неговото куче биле удрени од автомобил на една крстосница во градот.
Според податоците на СВР Битола, несреќата е пријавена во 18:26 часот на раскрсницата меѓу улиците „Партизанска“ и „Север-Југ“. Возило „Пежо“ со локални регистарски таблички, управувано од 49-годишниот Г.М. од Битола, удрило во пешакот Ѓ.Х. (45) и неговиот миленик. За жал, кучето починало веднаш на местото на несреќата.
Повредениот пешак веднаш бил префрлен во Клиничката болница во Битола, каде лекарите му дијагностицирале тешки телесни повреди.
