Фото: Принтскрин
Данската влада планира да воведе строга забрана за користење на одредени социјални мрежи од страна на деца помлади од 15 години, соопшти премиерката Мете Фредериксен во своето обраќање пред парламентот, пренесува „Политико“.
„Мобилните телефони и социјалните мрежи им го одземаат детството на нашите деца. Создадовме чудовиште кое сега мора да го ставиме под контрола,“ изјави таа во својот воведен говор.
Фредериксен посочи дека речиси сите ученици во седмо одделение – на возраст од 13 или 14 години – веќе поседуваат мобилен телефон, што дополнително ја засилува загриженоста за нивното здравје, образование и развој.
