Фото: Принтскрин
На 1 октомври, во близина на Народното собрание во Белград, животот го загуби Македонецот Мартин Сипковски, поранешен ракометар на Вардар кој настапуваше во младинските категории, а подоцна се посвети на кариера во светот на модата.
Според српските медиуми, Сипковски загинал во експлозија што се случила на улицата Косовка, само неколку метри од парламентот. Несреќата настанала како последица на нестручно ракување со експлозивна направа, која, наводно, требало да биде искористена за атентат врз познат наркодилер.
Од силната детонација станот во кој престојувал Сипковски бил целосно уништен, а оштетени се и уште два соседни стана. Експлозијата предизвикала паника кај жителите на овој дел од градот, кои сведочат дека потресот бил толку силен што ги извадил од кревет сред ноќ.
