Фото: Македонска Tаеквондо Федерација, Macedonian Тaekwondo Federation WT
Младата македонска таеквондистка Мила Релиќ оствари голем успех на меѓународниот турнир „Албанија Г-1 Опен“, освојувајќи сребрен медал во својата категорија.
Релиќ настапот го започна импресивно, совладувајќи ја во првата борба грчката натпреварувачка Теопула Сарванаки со 2:1 во рунди. Во полуфиналето ја продолжи победничката серија и убедливо ја порази шпанката Елза Чарлс Есканел со 2:0.
Во финалната борба, Мила се соочи со искусната хрватска таеквондистка Дора Мештровиќ, која сепак успеа да слави со 2:0 во рунди.
И покрај поразот во финалето, освоениот сребрен медал претставува значаен резултат и уште една потврда за големиот талент на Мила Релиќ.
