Ужас во Сингелиќ: Голман крвнички претепан – ЕБР морала да интервенира

Натпреварот меѓу Фортуна и Пчиња, кој се одигра во скопското село Сингелиќ во рамките на Третата фудбалска лига – Север, беше обележан со невидено насилство.

Средбата беше прекината во 75. минута при резултат 1-1, но не по одлука на главниот судија, туку затоа што гостинските играчи од Пчиња одбиле да продолжат со игра. Според информации од клубот на Пчиња, прво дошло до насилство од домашната публика, составена претежно од родители и роднини на играчите, а потоа на теренот интервенирале фудбалерите на Фортуна, кои физички го нападнале голманот на Пчиња, Никола Стојановски.