Босилово, 28/09/2025 – Во Босилово денеска започна традиционалната Ајверијада 2025. Домаќинките го запалија оганот и почнаа да подготвуваат ајвер, лутеница, пинџур, печен пипер и други вкусни деликатеси.
Печено прасе и над 170 килограми месо беше испржено за познатите чварки или „џиберинки“, кои повторно ги воодушевија посетителите. Групата Backstage Bosilovo годинава беше главна атракција, со пржење месо, колбаси и подготовка на традиционалното гравче.
Подготвените специјалитети ќе бидат понудени на дегустација, а посетителите ќе имаат можност да си купат и домашно приготвени производи. Атмосферата ја збогатија и богата музичка програма со настапите на Билјана и Борис, Перо Христов и други изведувачи.
Фото: Дрнка.МК портал
