По долги години изградба конечно се осветува црквата „Свети Константин и Елена“

Утрово во 8:30 часот, со свечено ѕвонење на камбаните, започна чинот на осветување на храмот „Свети Константин и Елена“ во централното подрачје на Скопје.

Настанот собра голем број граѓани и верници, а меѓу присутните беа и државни функционери, пратеници, претставници на политичките партии и дипломатскиот кор. Свеченоста започна со изведбата на духовната песна „Достојно ест“ од страна на свештенството, по што продолжи самото осветување на новиот храм.

Церемонијата ја предводеше архиепископот Охридски и Македонски г.г. Стефан, заедно со повеќе архијереи од Македонската православна црква – Охридска архиепископија.