(Видео) Трамп разгледува опција за воени удари врз Венецуела

Американски воени власти подготвуваат серии опции за напади врз цели поврзани со трговија со дрога на територијата на Венецуела, кои, според извори на NBC News, би можеле да започнат во текот на следните недели. Четворица соговорници на американскиот медиум – двајца запознаени со плановите и уште двајца вклучени во разговорите – зборувале под услов на анонимност бидејќи немале овластување да дискутираат за тоа јавно.

Како што се наведува, евентуалните операции би претставувале значајна ескалација во напорите на администрацијата на претседателот Доналд Трамп насочени кон мрежите за шверц на дрога и претставуваат поостар пристап кон владата во Каракас.

Во последниве недели, американските сили, според истите извори, извршиле напади врз најмалку три поморски пловила од Венецуела за кои, според претседателот Трамп, имало индиции дека превезувале луѓе поврзани со трговијата со дрога и опасни контигенти за САД.

Извори за NBC News велат дека разгледуваните опции вклучуваат удари со беспилотни летала врз лидери и оперативци на картелите, како и уништување на лаборатории за производство на наркотични средства.

BREAKING NEWS: President Trump publishes video images of the US army carrying out an attack on a ship carrying drugs from Venezuela.

I don’t know the real information of all this and possibly all this is false but I can’t deny that I’m starting to believe that Maduro is a drug… pic.twitter.com/Jae0VwbPTH

— GG (@LuillyDRR) September 2, 2025