Фото: ДЗС
Вечерва е подметнат пожар на депонијата во близина на Арачиново, лоцирана покрај стариот пат кон Куманово. Според првичните информации, станува збор за намерно подметнат оган.
Иако депонијата е оградена и има влезна капија, скопските пожарникари кои излегле на терен ја затекнале отворена. Во внатрешноста била забележана значителна количина фрлен сончоглед во пакувања, кој горел со интензивен пламен, заедно со други лесно запаливи материјали.
„Вечерва е подметнат пожар во депонијата близу Арачиново покрај стариот пат кон Куманово. Оваа депонија има ограда и влезна врата. Скопските пожарникари ја затекнале вратата на депонијата отворена, во депонијата имало фрлена поголема количина на пакуван сончоглед кој горел со силен пламен но и други горливи производи.
Најверојатно намерно запалениот сончоглед предизвикал опожарување на дел од депонијата.
Поради насоката на струењето на воздухот смрдеата од пожарот во оваа депонија најверојатно се чувствува во делови од Скопје.
Гаснењето ќе биде сложено бидејки обемот на зафатената површина е голем што го компликува гаснењето со вода или пена. Затоа се прави проценка на неопходноста од затрупување и на оваа депонија која е под надлежност на Општина Арачиново“, информира директорот на ДЗС, Стојанче Ангелов.
