Фото: Принтскрин
Украинскиот претседател Володимир Зеленски испрати јасна и остра порака до Москва, предупредувајќи ги руските власти дека имаат избор – или да ја прекинат војната, или да се подготват „да бараат засолништа од бомби“. Изјавата тој ја даде во интервју за новинската мрежа „Аксиос шоу“.
Зеленски нагласи дека Украина нема да стои настрана доколку продолжат нападите врз цивилното население и критичната инфраструктура, притоа порачувајќи дека украинските вооружени сили се подготвени да ги погодат самите центри на руската власт, вклучително и Кремљ.
„Тие треба да знаат каде се наоѓаат засолништата од бомби“, изјави тој.
