Зеленски со драматичен говор: Путин ќе ја шири војната, руски дронови летаат по Европа

Украинскиот претседател Володимир Зеленски во својот говор пред Генералното собрание на Обединетите нации ги повика светските лидери да дејствуваат заеднички за запирање на руската агресија врз Украина, обвинувајќи го рускиот претседател Владимир Путин дека има намера да го прошири конфликтот и надвор од украинските граници.

Зеленски истакна дека војната ја поттикнала најразорната трка во вооружување во поновата историја и најави дека Украина ќе започне со извоз на сопствено оружје кон своите сојузници.

„Фактите се едноставни: запирањето на овој војна сега е многу поевтино отколку подоцна да се градат подземни градинки или огромни бункери за заштита на клучната инфраструктура,“ рече украинскиот лидер

Како доказ дека Москва ги тестира границите на конфликтот, Зеленски посочи на наводните повреди на воздушниот простор на Полска и Естонија – земји членки на НАТО – од страна на руски дронови и авиони

„Веќе денес руски дронови летаат низ цела Европа, а руските операции се шират и во други држави. Путин сака да го продолжи овој војна со негово проширување, а сега никој не може да се чувствува безбеден,“ нагласи тој.