Фото: Принтскрин
Украинската воена разузнавачка служба (ГУР) изведе успешен напад со дронови врз окупираниот Крим, при што беа уништени два руски транспортни авиона „Ан-26“ и две радарски станици, соопшти агенцијата на 25 септември.
Како што пренесува „Kyiv Independent“, акцијата е дел од постојаните напори на Украина да ја ослаби руската воена инфраструктура на полуостровот.
Според извештаите, специјалните единици на ГУР ги запалиле авионите и уништиле систем за површински надзор, како и крајбрежната радарска станица MR-10M1 Mys M1.
„Антонов Ан-26“ е двомоторен турбопропелерски авион од советската ера, кој може да пренесува до 40 војници или околу 5,5 тони товар на кратки и средни релации. Уништените радари биле клучен дел од крајбрежниот одбранбен систем, задолжени за рано предупредување и следење на цели во морето.
HUR drones struck Crimea overnight. During the raid on the peninsula, Ukrainian military intelligence special forces destroyed two Russian invaders’ An-26 transport aircraft and also hit an enemy surface situation radar station and a coastal MR-10M1 "Mys M1" radar.… pic.twitter.com/mpf0PtwRWW
— WarTranslated (@wartranslated) September 25, 2025
