Фото: Принтскрин
Српскиот фолк-пејач Дарко Лазиќ синоќа доживеа тешка сообраќајна несреќа во Белград, откако неговото возило се судри со автобус на автопатот во близина на Белградската арена. Во автомобилот со него се наоѓала и неговата сопруга, Катарина Лазиќ.
Несреќата се случила кога пејачот, според првичните информации, се обидел да ја смени коловозната лента и со предниот лев дел од автомобилот удрил во задниот дел на автобусот. Ударот бил силен, а за да биде извлечен Лазиќ од возилото, пожарникарите морале да ја исечат вратата.
Дарко веднаш бил пренесен во Воено-медицинската академија, каде што му биле извршени детални лекарски прегледи, меѓу кои и компјутерска томографија, откако се пожалил на силни болки во главата. Освен тоа, пејачот добил и повеќе исекотини по лицето и телото. По неколку часа задржување, лекарите процениле дека е стабилен и го пуштиле на домашно лекување.
Неговата сопруга Катарина, пак, завршила во болницата во Земун, каде што исто така побарала медицинска помош поради главоболки и повреди од исекотини.
