Мицкоски: За ѓубрето во Скопје ќе има одговорност, Орце ќе направи генералка за 72 часа

Премиерот Христијан Мицкоски денеска повторно се извини пред граѓаните на Скопје за одлуката пред четири години да ја поддржи Данела Арсовска за градоначалничка.

Тој истакна дека ја чувствува личната одговорност за тој избор, но нагласи дека за сегашната состојба во главниот град, каде што улиците се затрупани со отпад, ќе следи и политичка и институционална разрешница.

„Работиме внимателно. Ние не правиме естрада од ништо, водиме политика која е многу внимателна. Процесите што ги водите имаат одговорност и на крајот тој процес мора да има име и презиме. Бидете сигурни дека ќе има одговорност и ќе има име и презиме. Орце Ѓорѓиевски ќе победи во првиот круг и веднаш ќе направи генералка во Скопје. Истото ќе го стори и Александар Стојковски во Ѓорче Петров. Ќе направиме генералка од сметот што ќе го остават градоначалниците што ќе си заминат“, кажа премиерот.