Фото: Принтскрин
По објавувањето на видео-снимка на социјалните мрежи, на која се гледа како во санитетско возило на Здравствениот центар „Свети Лука“ во Смедерево, Србија се одржува приватна прослава, со реакција излезе раководството на оваа здравствена установа.
Од таму информираа дека началникот на транспортната служба, Срѓан Стефановиќ, е суспендиран и разрешен од раководната позиција.
„По повод снимката која кружи на социјалните мрежи и прикажува приватна забава во санитетско возило, во која меѓу другите учествувал и раководителот на транспорт и логистика во службата за медицински транспорт, раководството на Здравствениот центар категорично се оградува од ваквото однесување на вработените. Станува збор за постапка што е целосно неприфатлива и спротивна на принципите и вредностите на здравствениот систем,“ стои во соопштението на управата.
