Фото: Принтскрин
Началникот на Генералштабот на Војската на Србија, Милан Мојсиловиќ, потврди дека се прават подготовки за повторно воведување на задолжителниот воен рок, кој би траел 75 дена.
„Започнавме со набавка на одредени материјални средства, како што се униформи, вооружување, пресметки за потрошувачка и муниција за таа активност,“ изјави Мојсиловиќ, додавајќи дека се чека усвојувањето на законот кој формално ќе го потврди тоа, за процесот да може да започне.
Според информациите на Тeлеграф, правната процедура сè уште не е завршена, вклучително и усвојувањето на законот и решавањето на прашањето за приговор на совеста.
Задолжителниот воен рок ќе се однесува на мажите, додека за жените ќе остане можноста за доброволно служење.
Планирано е и воведување на специфични форми на служба за младите кои поседуваат технички и технолошки знаења, а кои би можеле да бидат распоредени во единици каде што се потребни такви вештини – на пример управување со дронови.
