Фото: Принтскрин
Велес вчера беше потресен од страшна трагедија – двојно убиство по кое следело самоубиство. Според првичните информации од полицијата, маж од Скопје со остар предмет ги усмртил својата поранешна партнерка и нејзиниот татко, а потоа си го одзел животот.
На социјалните мрежи веќе се појавија бројни реакции од луѓе кои ја познавале жртвата. Тие сведочат дека убиецот и во минатото и упатувал закани на Росица и бил повеќепати пријавуван во полиција, но очигледно без посериозни последици.
Од Секторот за внатрешни работи Велес информираа дека околу 15:30 часот на улицата „Кочо Рацин“ било пронајдено женско лице со сериозни повреди нанесени со остар предмет. Подоцна било утврдено дека во куќата се наоѓаат уште две тела – на нејзиниот татко и на сторителот, кој извршил самоубиство.
Случајот предизвика голем шок кај граѓаните на Велес, а јавноста повторно ја отвора темата за семејното насилство и потребата од поефикасна заштита на жртвите. Истрагата за овој трагичен настан е во тек.
