На 29 октомври 2024 година, во 08:20 часот, во СВР Скопје била примена пријава од вработена во компанија во населбата Илинден, Скопје. Според информациите, во 6 часот наутро, на службената е-пошта на компанијата пристигнало известување за поставена експлозивна направа во фабриката.
„На 29.10.2024 год. во 08.20 часот во СВР Скопје, вработена во правно лице од н. Илинден во Скопје пријавила дека на службениот меил на правното лице во 6 часот стигнала порака дека во фабриката е поставена експлозивна направа“, соопшти МВР.
Надлежните служби веднаш реагирале, а тимови од СВР Скопје и Антитерористичката единица извршиле неопходни проверки. По завршените проверки било утврдено дека нема експлозивна направа, односно дека станува збор за лажна дојава.
