Фото: Принтскрин
Израелскиот премиер Бенјамин Нетанјаху порача дека израелската армија ќе продолжи да делува против раководството на Хамас, без разлика каде тие се наоѓаат.
„Нема да имаат засолниште, ниту имунитет – Израел има право да се брани и надвор од своите граници“, изјави тој на заедничката прес-конференција со американскиот државен секретар Марко Рубио во Ерусалим.
Израелската акција против челниците на Хамас во Катар – држава која се смета за блиски сојузник на САД – предизвика силни реакции на меѓународната сцена. Според Хамас, при нападот загинале шест лица, додека целите на операцијата – високите функционери на организацијата – успеале да преживеат. Нетанјаху одби какви било шпекулации за вмешаност на Вашингтон, нагласувајќи:
„Оваа одлука и операција се целосно израелски. Го направивме тоа сами.“
