Републиканскиот кандидат Доналд Трамп планира да го заврши војниот конфликт во Украина преку „замрзнување“”” на состојбата, ако победи на претседателските избори.
Според медиумите, неговиот план можеби вклучува притисок врз Украина да отстапи одредени територии и да ги преразгледа своите амбиции за членство во НАТО.
Еден од клучните елементи е реинтерпретацијата на Минските договори од 2014 и 2015 година, со воведување автономни региони и демилитаризирани зони.
Европа би играла водечка улога како гарант на мирот, додека улогата на САД и НАТО би била минимизирана.
„Постојат две работи на кои Америка ќе инсистира. Нема да имаме свои луѓе во механизмот за спроведување. Нема да го финансираме тоа, туку Европа ќе плати“, кажа советникот на Трамп.
