Мухамед Али, директор на Центарот за управување со кризи, по повеќе од 12 часа присуство на терен во Трубарево за време на интервенциите за гаснење на големиот пожар во фабриката за пластика, побара медицинска помош синоќа. Причина беше долготрајната изложеност на чад и интензивната координација на работата на тимовите и институциите.
Лекарските прегледи во Државната токсиколошка болница покажаа дека неговото здравје е стабилно и дека нема ризик по животот.
Центарот за управување со кризи се заблагодари на сите пожарникари, државни институции и волонтери кои работеа во исклучително тешки услови за брзо локализирање на пожарот и заштита на граѓаните.
