Министерството за образование со итни мерки за дел од училиштата по пожарот во Трубарево

Министерката за образование и наука Весна Јаневска денеска соопшти дека наставата во четири основни училишта во општина Гази Баба ќе се одвива онлајн во текот на следната недела.

Станува збор за училиштата „Крум Тошев“, „Његош“, „Вера Јоциќ“ и „Наум Наумовски Борче“, каде наставниот процес од 15 до 19 септември ќе се реализира преку далечинско учење со користење на електронски алатки за комуникација.

Причина за одлуката на министерството е големиот пожар во Трубарево.