Фото: Принтскрин
Федералното истражно биро на САД (ФБИ) објави дека нуди награда од 100.000 долари за информации кои ќе помогнат во идентификација и апсење на сторителот или сторителите на убиството на американскиот активист Чарли Кирк, кое се случи во сојузната држава Јута.
„ФБИ нуди награда до 100.000 долари за информации кои водат до идентификација и апсење на лицето или лицата одговорни за убиството на Чарли Кирк“, стои во соопштението на бирото објавено на нивниот официјален профил на социјалната мрежа X.
Според пишувањето на The Wall Street Journal, на куршумите со кои бил застрелан Кирк биле врежани симболи и изрази поврзани со трансродна и антифашистичка идеологија. Полицијата ја пронашла пушката, замотана во пешкир, со три непотрошени куршуми во рамката. Активистот бил убиен со еден удар од голема дистанца додека одржувал говор на Универзитетот Utah Valley за масовните пукања во кои учествувале трансродни лица.
Полицијата истакнува дека располага со фотографии и видео-снимки од осомничениот, но засега не ги објавила. Надлежните апелираат до граѓаните кои имаат какви било информации да соработуваат со властите за што побрзо расветлување на случајот.
Pic of Charlie Kirk shooting suspect released: pic.twitter.com/xZXweBh3ac
— Novanglus (@MLandry70) September 11, 2025
