Фото: Принтскрин/PavelAndreev.org
Додека нејзините врсници безгрижно трчаат и се смеат, 12-годишната Марија секој ден се соочува со предизвици кои малкумина би можеле да ги замислат. Нејзиното детство не е исполнето со игри во дворовите, туку со болници, бескрајни чекања по ходници и бројни операции. Таа е дете кое прерано научи што значи борба, но и како изгледа храброста.
ДОКОЛКУ САКАТЕ ДА ДОНИРАТЕ, ТОА МОЖЕ ДА ГО НАПРАВИТЕ ТУКА.
„Ние сме Гордана и Симона – сестрите на Марија.
Таа е наш најголем херој. Од кога сме мали, нашето детство е исполнето со болници, чекање по ходници и гледање како таа трпи многу повеќе отколку што заслужува едно дете. Иако има само 12 години, веќе помина низ повеќе операции отколку што некој би можел да замисли.
За нас, тоа не е само нејзина борба – тоа е и наша борба. Кога гледаме како таа се труди да оди, како секој мал чекор и бара огромна сила, ние чувствуваме истовремено гордост и болка. Таа сака да оди со нас на училиште без да мора секогаш некој да ја држи за рака, сака да излезе со другарките, да се смее и да игра, а не секогаш да мисли кој ќе ја придружува.
До сега, нашите родители самите успеваа да ја покриваат терапијата, операциите и лекувањето. Но веќе не можеме сами. Затоа, ние – нејзините сестри – со срце полно со љубов, ве молиме сите вас за помош. Помош за Марија да продолжи со физикалните терапии и да може да живее како секое друго дете.Марија го заслужува тоа. Таа го заслужува своето детство. Таа заслужува да трча со нас, да се радува со нас, а не да гледа од страна.
Ве молиме, помогнете ни да и го олесниме животот. Заедно можеме да и подариме многу повеќе од чекори – можеме да и подариме надеж“, се вели во апелот.
