Фото: Aleksandar Nikoloski
Со свеченост денеска беше пуштена во сообраќај втората делница од автопатот Кичево – Охрид, во должина од 17 километри, на релацијата Климештани – Охрид.
Со ова, во изминатите два месеци вкупно 34 километри од трасата се веќе достапни за користење, што претставува повеќе од половина од целиот автопат.
Вицепремиерот и министер за транспорт и врски, Александар Николоски, нагласи дека проектот конечно добива динамика.
На настанот присуствуваа и премиерот Христијан Мицкоски, директорот на ЈП за државни патишта, Коце Трајановски, како и градоначалникот на Охрид, Кирил Пецаков.
