Фото: Принтскрин
На самиот север од Бачка, во атарот на селото Бодјани, се наоѓа една од најнеобичните појави во регионот – вода која може да се запали. Ова чудо на природата со децении го фасцинира локалното население и предизвикува неверување кај оние што за првпат ќе го видат.
Џока Наумов, жител на селото, раскажува дека приказната започнала во 1964 година, кога при копање на артериски бунар за наводнување на земјоделски површини, од земјата потекла вода со необични својства. „Од тој момент до денес, водата непрекинато тече. Експертите тогаш открија дека содржи сулфур кој лесно се пали. Ако запалите кибрит до површината, ќе се појави пламен – изгледа како фонтаната да гори“, вели Наумов.
Според него, мештаните со години ја користат оваа вода и веруваат во нејзините лековити својства. „Луѓето од цела Србија доаѓаат да ја пробаат. Велат дека помага за бубрезите, желудникот и уште многу здравствени проблеми. Некои ја нарекуваат дури и ‘вода што оживува’“, додава тој.
Особеноста на оваа природна појава е и во температурата – во лето, водата е исклучително студена, додека во зима е доволно топла за да може да ги загрее нозете. Наумов објаснува дека тоа се должи на големите длабочини и минералниот состав на земјиштето, богато со кварцен песок.
