Фото: Принтскрин
Жителите на Нов Дојран, Самир Патрон и Бранко Караколев, со сопствена иницијатива и напорна работа во изминатиот месец успеаја да го исчистат отворениот канал, преку кој треба да се доведува вода од Хидросистемот „Ѓавато“ во Дојранското Езеро.
Со нивната акција се овозможува полесен проток на вода кон езерото, што е од големо значење за одржувањето на неговото ниво и заштитата на екосистемот. Чистењето било отежнато поради големото количество наноси, трева и отпад, но благодарение на нивниот ангажман каналот е ставен во функција.
