Фото: Принтскрин
Поранешниот генерален секретар на Владата во времето на Зоран Заев, Драги Рашковски, бил фатен од македонската царина со непријавени 20.000 евра во кеш при контрола на граничниот премин Ново Село, објави „МКД.мк“.
Според информациите, сумата не била пријавена и немала соодветно покритие, а дел од парите биле конфискувани од страна на царинските служби.
Во моментов тој е задржан од надлежните органи, а случајот е предаден на понатамошна постапка.
Рашковски веќе е познат на јавноста по случајот „Софтвери“, во кој заедно со уште шест други обвинети доби затворска казна од три до осум години поради злоупотреби на службената положба.
