Да бидеме хумани: Потребна е помош за 12-годишно момче кое се бори со рак

Божидар Коцевски има само 12 години, а веќе се соочува со најтешката битка – борба за својот живот. Во декември му беше дијагностициран редок и агресивен вид на рак – Ewing сарком, лоциран во градниот кош на десната страна.

Досега Божидар примил 10 циклуси на хемотерапија, а пред него е уште еден третман, по кој итно ќе мора да замине на операција во специјализираниот центар Princess Maxima Centrum во Холандија.

Операцијата не може да се изведе во Македонија, а времето е критично – секој ден може да биде од пресудно значење. Божидар е второ дете од три. Тој е момче со големо срце и голем талент за уметност, особено за сликање, преку кое ја изразува својата душа и емоции. Сега неговиот свет е загрозен од болеста, но неговите соништа и љубовта кон уметноста не смеат да згаснат.

Семејството само не може да ги покрие огромните трошоци за операцијата и лекувањето во странство. Според профактурата, потребната сума изнесува 2.852.000 денари.