Мицкоски со јасна порака до Касами: Доста е со поделби, треба да се зборува за проекти, а не етнички тензии

Премиерот Христијан Мицкоски испрати јасна порака до актуелниот градоначалник на Тетово, Биљал Касами, предупредувајќи дека поттикнувањето етнички поделби и тензии е недозволиво и не смее да се користи како инструмент во изборните кампањи.

Реакцијата на Мицкоски доаѓа по изјавата на Касами, кој во своето обраќање ги повика жителите на Брвеница да го поддржат кандидатот на движењето ВЛЕН, наместо оној на коалициониот партнер ВМРО-ДПМНЕ.

„Ја слушнав таа изјава на Биљал Касами и можам да кажам дека за жал влегува во фолклорот на опозициската ДУИ, без потреба. Моја препорака до него е дека етничките поделби и тензии не се алатка за да се привлече внимание во јавноста и да се добијат гласови туку треба да зборува во Тетово за проектите што заедно со поддршка од Владата се направени за сите и за Македонци, Албанци, Турци, Срби“, кажа Мицкоски.