Фото: Принтскрин
Во тешка несреќа што се случи попладнево во португалската престолнина, најмалку три лица го загубија животот, а околу дваесетмина се повредени откако познатата жичница „Глорија“ во Лисабон излета од шините. Според првичните информации, петмина од повредените се во животно загрозувачка состојба и се пренесени во болница.
Несреќата се случи на една од најпознатите туристички атракции во градот – препознатливата жолта жичница што секојдневно превезува посетители на стрмните улици. Возилото, со капацитет од 43 патници, било преполно во моментот кога излетало од шините, по што на местото веднаш интервенираа екипи на брза помош, пожарникари и полиција.
Снимките од местото на настанот прикажуваат целосно оштетена жичница и спасувачки екипи кои извлекуваат патници заробени во внатрешноста. Причината за несреќата сè уште не е официјално потврдена, но властите најавија детална истрага за утврдување на околностите.
