Фото: Принтскрин
Во Зоолошката градина во Скопје се случи непријатна ситуација кога негувателот на животни, Војо Иванов, реагираше на група деца кои се качиле на оградата од едно живеалиште, иако јасно е наведено дека тоа е забрането.
Иванов им пријде на посетителите и со мирен тон побара децата веднаш да се симнат, предупредувајќи ги дека однесувањето е небезбедно и за нив и за животните. Но наместо разбирање, се соочи со негодување од еден од родителите.
„Господо, господо, доле. Доле господо“, повика Иванов, на што доби одговор: „Полека бе, полека“. Кога негувателот укажа дека „децата ви се горе“, родителот реплицираше: „Ако де, што има врска? Да не се внатре?“.
И покрај обидите на Иванов да го смири и да нагласи дека правилата мора да се почитуваат, родителот му возврати со забелешка: „Понашај се малку покултурно“.
