Вучиќ призна дека го молел Путин за – две работи!

Претседателот на Србија, Александар Вучиќ, соопшти дека денеска во Пекинг имал искрен и значаен разговор со претседателот на Русија, Владимир Путин, при што го замолил Србија да добие поволна цена на гасот, поголеми количини и поголема флексибилност во испораките.

„Со претседателот на Руската Федерација, Владимир Владимирович Путин, имавме отворени и важни разговори, и верувам дека ги допревме сите теми од заеднички интерес. За нас, особено значајна е темата за енергетиката во повеќе насоки. Пред сè, ни се потребни поголеми количества гас, бидејќи тој е суштински неопходен за Србија. Од Азербејџан набавуваме помали, но важни количини, додека најголемиот дел од потребите ни ги обезбедува Руската Федерација“, изјави Вучиќ по средбата со Путин.