(Видео) Драма во Марсеј: Маж викаше „Алах Акбар“ и со нож повреди луѓе, па полицијата го застрела

Напаѓач од Тунис, кој бил под судски надзор, извршил напад во хотел во центарот на Марсеј, каде со нож повредил најмалку четири лица, пред да биде убиен од полицијата, јавува Le Figaro.

Инцидентот се случил во вторникот попладне, откако меѓу напаѓачот и хотелскиот персонал изби расправија, бидејќи тој подолг период не ја плаќал киријата за престојот.

Според информациите од истрагата, осомничениот – државјанин на Тунис со забрана за носење оружје – најпрво нападнал четири лица во хотелот, меѓу кои менаџерот и еден од гостите. Потоа излегол на улица и со нож им се заканил на припадниците на граничната полиција, кои набрзо го неутрализирале.

Француските власти информираа дека случајот е под детална истрага, а мотивите на напаѓачот засега не се целосно познати.

Видеото е со вознемирувачка содржина и може да се погледне ТУКА.