Бранко Караколев и Самир Пајтон, кои се жители на Нов Дојран, веќе некое време доброволно го чистат отворениот канал на хидросистемот „Ѓавато“.
Опремени со лопати и вили, тие успеаја да исчистат голем дел од каналот, но се соочија и со првите проблеми, односно потребата од механизација за да се исчистат останатите делови од каналот.
Сепак, ниту тоа не ги поколеба Бранко и Самир да се изборат и да го исчитат каналот, затоа што со пари од свој џеб, но и дел од донации платиле механизација за да го средат проблемот.
Прашањето е до надлежните служби, ако воопшто знаат кој е надлежен за отворениот канал на хидросистемот „Ѓавато“, зошто тие не го исчистиле досега каналот, а и веќе кога почна доброволна акција за чистење, зошто никој од нив не се вклучи да помогне да се среди коритото на каналот.
