Некои животни приказни докажуваат дека трпението и надежта можат да донесат најголеми чуда.
Во битолската болница „Плодност“, 50-годишна жена по долгогодишни неуспешни обиди конечно ја оствари својата најголема желба – стана мајка на прекрасно девојче. Радосната вест ја сподели Прим. д-р Таше Трпчевски, кој објави фотографии со новороденчето.
Малата принцеза пристигна на свет здрава, со тежина од 3250 грама и должина од 50 сантиметри.
„По многу обиди на друго место, мајката ја доби својата најголема радост токму во ‘Плодност’“, напиша д-р Трпчевски, изразувајќи огромна гордост и среќа за успехот на тимот.
Истовремено, истиот ден радост добија и уште три семејства: едно момченце со тежина од 2520 грама и две девојчиња од 2550 и 2920 грама, сите родени преку постапка на вонтелесно оплодување.
„Да ни е алал!“ – заврши д-р Таше во својата објава, нагласувајќи ја големината на овие семејни победи.
