Фото: Принтскрин
Во пресрет на утрешното рочиште во Кривичниот суд во Скопје, на кое ќе бидат изнесени завршните зборови во предметот за наводно насилство, градоначалничката на Скопје, Данела Арсовска, преку социјалните мрежи се огласи со свое видување за случајот.
Арсовска наведе дека на вчерашното судско рочиште, Командант Барути – Љамалари се обидел да поднесе кривична пријава против неа, тврдејќи дека токму таа извршила насилство врз него. Таа ваквиот потег го оцени како апсурден и дел од политички мотивиран обид за дискредитација.
„
Командант Барути Љамалари на вчерашното судење се обиде да поднесе кривична пријава за насилство извршено од моја страна врз него.
Тврди дека сум ГО ТEПАЛА со лекарски извештај од ДИГЕСТИВЕН ХИРУРГ изваден отпосле во градска болница, кој му дал потврда по негово кажување дека повреди имал на ногата ќутекот што го јадел од мене.
Судот и обвинителството вчера одбија од него да прифатат кривична пријава, со која командантов Барути Љамалари тврди дека сум го тепала.
На утрешното судење ќе има завршни зборови, искрено би сакала од него уште еднаш гласно да слушнам како јадел ќутек. Такво време дојде ем да тепаат жени, ем да глумат жртви дека се тепани“, напиша Арсовска.
