Мицкоски: За 20 проценти ги зголемивме платите на социјалните работници во Македонија

Премиерот Христијан Мицкоски, одговарајќи на новинарско прашање денеска, истакна дека новиот колективен договор што го потпиша Министерството за социјална политика, демографија и млади носи значајни придобивки за вработените во јавните установи за социјална заштита.

Со договорот, платите на вработените ќе се зголемат за 20 проценти, а покрај тоа се предвидени и конкретни мерки за унапредување на условите за работа, што треба да придонесе за поголема ефикасност и квалитет во услугите кон граѓаните.

„Станува збор за потпишување на колективен договор во историска смисла на зборот за вработените во социјалните установи и центрите за социјални работи ширум државата. Со тоа ќе имаме значително зголемување на платата, започнувајќи од платата за месец август. Во периодот којшто следи Министерството за социјална политика, демографија и млади прави би рекол историски чекор во таа насока, но не е само зголемувањето на платите коешто треба да биде 20 проценти“, вели Мицкоски.