Фото: Принтскрин
Министерот за внатрешни работи Панче Тошковски најави нов пакет измени во Законот за безбедност на сообраќајот, кои ќе донесат построги правила за сите учесници во сообраќајот.
Како што беше истакнато, се предвидува забрана за користење мобилни телефони и други електронски уреди не само за возачите на моторни возила, туку и за пешаците и велосипедистите.
„Со измените се предвидува забрана за употреба на телефони и електронски уреди при управување со велосипед, мопед, мотоцикл, скутер, трактор и други возила, а истовремено и за пешаците при одење, преминување на коловоз или движење по велосипедска патека“, кажа Тошковски.
Проектот „Безбеден град“ е планирано да започне со примена во јануари 2026 година.
