Фото: Принтскрин
Тетовчани деновиве сведочат на несекојдневна глетка – низ градот никнале големи билборди со порака: „Се продава Тетово за цена на еспресо – 1 евро за метар квадратен“. Провокативната реклама веднаш предизвика бројни реакции кај граѓаните и на социјалните мрежи.
На билбордите е истакнато и видео-QR код кој води до кампања што, според организаторите, има за цел да ја подигне свеста за урбанистичкиот хаос, прекумерната изградба и ниската вредност на јавниот простор во градот. Пораката симболично ја споредува цената на земјиштето со едно кафе, укажувајќи на тоа колку лесно се продава и уништува просторот што им припаѓа на граѓаните.
