Фото: Spasen Siljanovski
Популарниот фолк-изведувач Спасен Сиљаноски јавно реагираше на одлуката на градоначалникот на Кавадарци, Митко Јанчев, поврзана со програмата за традиционалниот „Тиквешки гроздобер“. Сиљаноски упати сериозни критики до првиот човек на општината, бидејќи наместо да им даде предност на домашните музички имиња, кои, според него, се најзаслужни за зачувување и промоција на македонската песна, биле ангажирани пејачи од соседните земји.
Пејачот смета дека ваквиот потег е навреда за македонските уметници и културна деградација на манифестацијата, која отсекогаш важела за симбол на традицијата, виното и македонската песна.
„РОШТИЛИДАЈА – ЛЕСКОВАЦ или ГРОЗДОБЕР-КАВАДАРЦИ
Во која држава се наоѓа Кавадарци???
Во која држава е градоначалник Јанчев?
Во која држава зрее Грозјето?
Во која држава ќе се одлеат стотици иљади евра за музичките изведувачи од овој настан ???
……И повторно не сакам да бидам разбран дека се борам за себе. Неее, никогаш. Се борам за нашата култура и традиција.
Па замислете бе луѓе каков е тој Гроздобер без ниту една Тиквешка песна. Гроздобер без ниту еден Македонски фолк изведувач. Гроздобер без кралевите на Тиквешката музика како Анѓел Џамбазот и останати….. Мислев дека нема подолу од дното ама еве имало…И некогаш се прашувам сам себе, па штом само јас се бунам изгледа не сум во право, можеби така треба, сите молчат па ваљда не сум јас најпаметен. Простете ако грешам.
П.с. Единствено сум среќен што знам дека оние прави Македонци од Кавадарци ќе се соберат “Кај Буки” и ќе уживаат во песната на Џамбазот и Дулот“, објави Сиљаноски.
