Фото: Принтскрин
Украинските специјални единици објавија видео и детали од операцијата во која тешко бил ранет рускиот генерал-полковник Еседула Абачев. Нападот врз возилото на генералoт бил изведен длабоко на руска територија, во Курската област, пишува „Украинска правда“.
Според соопштението, операцијата ја извела единицата UA_REG TEAM на украинските специјални сили во ноќта меѓу 16 и 17 август. Нападот се случил пет километри од градот Рилск во Курск, а цел било возилото во кое се наоѓал Абачев, заменик-командант на руската група сили „Север“, пренесува Index.hr.
По нападот, генералoт бил итно префрлен со авион во Москва, каде што, според информациите, поради тежината на повредите му биле ампутирани рака и нога. Во изјавата на Силите за специјални операции се потсетува дека украинското обвинителство уште во 2023 година поднело обвинение против Абачев.
