Фото: Принтскрин
Родителите на неколку од загинатите деца во трагедијата во дискотеката „Пулс“ остварија средба со премиерот Христијан Мицкоски, кој за време на својата посета на Кочани положи свеќи на градските гробишта во чест на настраданите. На состанокот тие ги изнесоа своите маки и проблеми, при што укажаа дека се чувствуваат изложени на притисоци и на неправеден однос од институциите.
„Штом ќе се објави нешто од нас, родителите, веднаш се соочуваме со лавина клевети и навреди од разни страни, што за нас е дополнителен товар и стрес,“ изјави мајка на едно од починатите деца.
Мицкоски, пак, ја нагласи својата поддршка, додавајќи: „Ова е слободна држава. Сѐ што сметате дека треба да кажете, да објавите или да направите – од мене ќе имате целосна поддршка.“
